Toshkent davlat sharqshunoslik instituti - Rasmiy web sayti

 
O‘zbekiston Respublikasi Vazirlar Mahkamasining 1991-yil 15-iyuldagi 186-raqamli qarori va O‘zbekiston Respublikasi Oliy va o‘rta maxsus ta’lim vazirligi hay’atining 1991-yil 26-iyuldagi qaroriga binoan ToshDU qoshidagi sharqshunoslik instituti asosida tashkil topgan va Toshkent davlat sharqshunoslik instituti deb nom berilgan.
 
 
TOSHKENT DAVLAT SHARQSHUNOSLIK INSTITUTI TARIXIDAN
 
       1918-yil noyabr oyida Toshkentda Turkiston Sharqshunoslik instituti tashkil etildi. Bu institut o‘rta Osiyoda yagona ilk sharqshunoslik oliy o‘quv yurti bo‘lib, qo‘shni mamlakatlar uchun ham sharqshunoslik fanining turli sohalari bo‘yicha malakali mutaxassislar yetishtirib bera boshladi.
       Mazkur bilim dargohida Turkiston va unga qo‘shni bo‘lgan xorijiy sharq mamlakatlarining tarixi, etnografiyasi, geografiyasi, o‘lkashunosligi, islom tarixi va musulmon qonunshunosligi kabi fanlar, sharq xalqlarining tillari va adabiyotlari o‘rgatilgan. O‘sha yili 1-kursga 234 ta talaba qabul qilingan edi. Institutda sharq tillaridan arab, fors, xitoy, pushtu, urdu, turk va mahalliy tillardan o‘zbek, tojik, qirg‘iz, turkman, tatar hamda siropa tillaridan ingliz, nemis va fransuz tillarini o‘qitish yo‘lga qo‘yildi. Shuningdek, Afg‘oniston, Hindiston, Eron, Sharqiy va Qarbiy Turkiston, Buxoro geografiyasi; o‘zbek, qirg‘iz, fors, tojik, qozoq, afg‘on, qoraqalpoq xalqlari etnografiyasi; O‘rta Osiyo, Eron, Afg‘oniston, Hindiston va qadimgi dunyo tarixi, islom tarixi, shariat qonunlari kabi fanlar o‘qitilgan. 
 
 
Fuqarolarning murojaatlarini qabul qilish va ko'rib chiqish uchun tashkil etilgan ishonch telefoni: +99871 233-34-24