Ishonch telefoni
+998 71 233 34 24

  • UZRUEN
  • uzbekistan flag uzbekistan emblem

TDSHI Koreya Respublikasi OAVlarida

30.11.2018, 15:24 Yangiliklar 651

2018-yilning 29-oktabr kuni Toshkent davlat sharqshunoslik institutiga Koreya Respublikasining EBS, BBC, Hankukilbo, Dongailbo kabi bir qator yirik ommaviy axborot vositalarining jurnalistlaridan iborat bo‘lgan delegatsiya tashrif buyurdi. Delegatsiya a’zolarini institut rektori, prof. A.Mannonov, Xalqaro hamkorlik bo‘yicha prorektor O.Sheraliev, Koreyashunoslik fakulteti dekani Sh.Usmonova kutib oldi.

Janubiy Koreyalik jurnalistlarning  O‘zbekistonga qilgan safaridan ko‘zlangan maqsad O‘zbekistonni Koreya Respublikasida keng miqyosda tanitish, uning turistik imkoniyatlari bilan tanishtirish, investitsion jozibadorligini oshirish, O‘zbekiston va Janubiy Koreya munosabatlarining bugungi holati hamda O‘zbekistonda koreyashunoslik ilmi rivoji haqida axborot materiallari tayyorlash va ularni o‘z mamlakatlarida keng miqyosda yoritishdan iboratdir.

Koreya Respublikasidan kelgan jurnalistlar dastavval institut rahbariyati bilan uchrashdilar. Institut rektori, prof.A.Mannonov mehmonlarga TDSHI faoliyati va uning O‘zbekiston oliy ta’lim tizimida tutgan o‘rni, xususan Koreyashunoslik fakultetidagi ta’lim jarayoni, professor-o‘qituvchilar hamda talabalar uchun yaratilgn shart-sharoitlar haqida batafsil ma’lumot taqdim etdi va jurnalistlarni qiziqtirgan savollarga javob berdi.

IMG_20181129_100240_HDR

Shundan so‘ng Janubiy Koreyalik jurnalistlar Koreys tili filologiyasi kafedrasi va kutubxona fondi hamda Koreyashunoslik fakultetida tashkil etilgan 16 ta to‘garak faoliyati bilan tanishdilar. “Arirang” qo‘shiq to‘garagi a’zolari tomonidan tayyorlangan koreyscha qo‘shiq , “Chum” raqs to‘garagi a’zolari tomonidan tayyorlangan koreyscha raqs,  “Taekwondo” to‘garagi tomonidan taqdim etilgan ko‘rgazmali chiqishlardan bahramand bo‘lib, “Mass media”   to‘garagining video roliklari, materiallarini tomosha qildilar.

So‘ngra xorijlik jurnalishlar Koreyashunoslik fakulteti dekani, professor Shoira Usmonova bilan intervyu uyushtirishdi. Sh.Usmonova intervyu davomida Koreyashunoslik fakulteti tashkil topishining obyektiv asoslari haqida gapirib, fakultetdagi o‘quv va ta’lim jarayoni, talabalarning koreys tili, adabiyoti, tarixi, madaniyati, siyosati, iqtisodiyotini o‘rganishga bo‘lgan qiziqishlari va bu uchun fakultetda yaratilgan shart-sharoitlar, shuningdek fakultetning Koreya Respublikasining oliy ta’lim muassasalari bilan hamkorligi masalalari haqida gapirib o‘tdi.

Jurnalistlar guruhi shuningdek Koreyashunoslik fakultetining talabalari bilan ham suhbatlashib, Solihova Ra’no, Burxonova Dilso‘za, Nazarova Madina hamda Kim Yuriydan koreys tilida intervyu olishdi.

Intervyulardan so‘ng jurnalistlar KOICA ko‘ngillisi Pak Chan Xo, fakultet o‘qituvchisi B.Hakimova darslarida ishtirok etib, ularni sur’atga olishdi. Institut tomonidan Janubiy Koreyalik jurnalistlarga institut haqida ma’lumot beruvchi buklet va barcha kerakli materiallar taqdim etildi.

O‘ylaymizki Koreya Respublikasi OAV vakillarining Toshkent davlat sharqshunoslik instituti va umuman O‘zbekistonga tashrifi ikki mamlakat o‘rtasidagi fan va ta’lim sohasidagi hamkorlikni mustahkamlab, madaniy aloqalarning yanada rivojlanishiga xizmat qiladi.

IMG_5497 IMG_5532 IMG_5538 IMG_5556 IMG_5575 IMG_5582 IMG_5593

    Spelling error report

    The following text will be sent to our editors: