Ishonch telefoni / Call center
+998 71 233 34 24 / +998 95 198 56 88

  • UZRUEN
  • uzbekistan flag uzbekistan emblem

“Zamonaviy Sharq xalqlari adabiyotida gender masalalari” mavzusida ilmiy-amaliy konferensiya

01.11.2019, 16:48 Yangiliklar 73

1-noyabr kuni ToshDSHIda O’zR Vazirlar Mahkamasi farmoyishi asosida tasdiqlanib rejaga kiritilgan “Zamonaviy Sharq xalqlari adabiyotida gender masalalari” mavzusida respublika miqyosidagi ilmiy-amaliy konferensiya o’tkazildi.

Anjumanni ToshDSHI rektori f.f.n., dotsent Gulchehra Shavkatovna Rixsiyeva kirish so’zi bilan ochib berdi va mazkur anjumanni o’tkazishdan maqsad Sharq xalqlari adabiyoti orqali gender masalalarining yoritilishi, xususan, ayollar adabiyoti, gender psixologiyasi, gender lingvistikasi kabi muhim masalalar doirasida mutaxassislar o’rtasida o’zaro tajriba va fikr almashish nazarda tutilganligini ta’kidlab o’tdi. Anjumanda qatnashib, ta’brik so’zlarini izhor qilganlardan O’zR Oliy Majlisi Senati raisining o’rinbosari S.Artikova va O’zR Vazirlar Mahkamasi huzuridagi “Oila” ilmiy-amaliy tadqiqot markazi direktori D.Toshmuhamedova hamda O’zR Oliy va o’rta maxsus ta’lim vaziri o’rinbosari U.Begimqulov zamonaviy globallashuv jarayonida, bugungi kun jamiyatida ayolning ijtimoiy shaxs sifatidagi o’rni, shuningdek, O’zbekistondagi gender tenglikni ta’minlash yo’lida respublika rahbariyati tomonidan amalga oshirilayotgan chora-tadbirlar borasida atroflicha to’xtalib o’tdilar.

Anjuman davomida o’zbek, arab, hind, eron, xitoy, koreys, yapon, turk va boshqa milliy adabiyotlarda ayol obrazining o’ziga xos ifodalari, namunalari, xalq og’zaki ijodida ayollar mavzusining yoritilishini ochib berishga qaratilgan turli mavzular doirasida chiqishlar bo’lib o’tdi.

photo_2019-11-04_15-39-28 photo_2019-11-04_15-39-29 photo_2019-11-04_15-39-31 photo_2019-11-04_15-39-33 photo_2019-11-04_15-39-34

    Spelling error report

    The following text will be sent to our editors: