Ishonch telefoni
+998 71 233 34 24

  • UZRUEN
  • uzbekistan flag uzbekistan emblem

Apellyatsiya tartibi

Toshkent davlat sharqshunoslik institutiga qabul jarayonida o‘tkaziladigan sharq tillaridan ijodiy (kasbiy) imtihonlarning natijalari bo‘yicha Adolat hay’ati (apellyatsiya komissiyasi)ning

YO‘RIQNOMASI

O‘zbekiston Respublikasi Oliy va o‘rta maxsus ta’lim vazirligining 2018 yil 8 iyundagi “Respublika ta’lim muassasalarida 2018-2019 o‘quv yili qabulini yuqori saviyada tashkil etish to‘g‘risida”gi 511- sonli buyrug‘ining 2.11 bandiga muvofiq Toshkent davlat sharqshunoslik institutiga qabul jarayonida o‘tkaziladigan sharq tillaridan ijodiy (kasbiy) imtihonlarning natijalari bo‘yicha Adolat hay’ati (apellyatsiya komissiyasi) tashkil etiladi.

Adolat hay’ati o‘z ishini quyidagi tartibda amalga oshiradi:

  1. Sharq tilidan ijodiy (kasbiy) imtihonda olgan bahosidan norozi bo‘lgan abiturient Adolat hay’atiga ijodiy imtihon bahosi e’lon qilingan kunning o‘zida ariza bilan murojaat qiladi.
  2. Adolat hay’ati raisi hay’at a’zolari bilan birgalikda abiturientdan ijodiy imtihon o‘tkazilgan kun tushgan arizani imtihondan keyin bir kun ichida ko‘rib chiqishi va abiturientga arizasi yuzasidan asoslangan javob berishi shart.
  3. Adolat hay’ati abiturient arizasi bo‘yicha ish ko‘rayotganda ijodiy imtihonda unga qo‘yilgan bahoning xolisligi va ijodiy imtihonning talab qilingan mezonlar asosida amalga oshirilganligini imtihon oluvchi mutaxassis o‘qituvchi (o‘qituvchilar) hamda abiturient ishtirokida birma-bir ko‘rib chiqadi.
  4. Adolat hay’ati abiturientning ijodiy imtihon natijalari bo‘yicha barcha da’volarini imtihon javob varaqasi, imtihon topshiriqlari asosida to‘la ko‘rib chiqib, unga asoslangan xulosa va javob beradi.
  5. Adolat hay’ati mutaxassis o‘qituvchi (o‘qituvchilar) tomonidan abiturient bilimiga berilgan baho (ballar)ning to‘g‘ri yoki noto‘g‘riligi haqida xulosa beradi va o‘z xulosalarini abiturientga yetkazadi. Agar abiturientga qo‘yilgan baho (ballar) o‘zgartirilsa, imtihon varaqasiga tegishli o‘zgartirish kiritiladi.
  6. Ijodiy (kasbiy) imtihondan norozi bo‘lgan abiturient arizasini ko‘rib chiqish jarayoni Adolat hay’ati tomonidan to‘la rasmiylashtiriladi va hay’at raisi hamda a’zolari tomonidan imzolanadi.
  7. Adolat hay’ati protokoli (bayonnoma)ning asl nusxasi Qabul komissiyasi mas’ul kotibiga topshiriladi, 1 nusxasi esa abiturientning javob varaqasiga tikib qo‘yiladi.

 Test sinovlari apellyatsiyasi Davlat Test Markazi tomonidan amalga oshiriladi.

 

 

 

30.08.2018, 13:52 3656

    Spelling error report

    The following text will be sent to our editors: