Ishonch telefoni
+998 71 233 34 24

  • UZRUEN
  • uzbekistan flag uzbekistan emblem

Institut ilmiy faoliyati

Ilmiy faoliyat

Toshkent davlat sharqshunoslik institutida bugungi kun talablaridan kelib chiqqan holda sharqshunoslik sohasi bo‘yicha ilmiy-tadqiqot ishlarini takomillashtirish borasida keng qamrovli faoliyat olib borilmoqda. Institutda ilmiy-tadqiqot faoliyati ixtisoslashgan kafedralar, ilmiy-tadqiqot guruhlari, olimlar kengashlari, stajer-tadqiqotchi-izlanuvchilik tizimi hamda ilmiy nashrlarni chop etish orqali amalga oshiriladi.

Toshkent davlat sharqshunoslik institutida respublika xalq xo‘jaligi talab va ehtiyojlaridan kelib chiqqan holda fundamental hamda amaliyotga tatbiq etiladigan, yuqori salohiyatli, raqobatbardosh, jahon andozalariga mos keladigan ustuvor yo‘nalishlarda; ijtimoiy-siyosiy, iqtisodiy-madaniy taraqqiyotda muhim omil bo‘lgan bozor munosabatlariga o‘tish, huquqiy davlat tizimini mustahkamlash, iqtisodiy islohotlar o‘tkazish, xorijiy davlatlar bilan iqtisodiy va madaniy aloqalarni kengaytirish siyosatidan kelib chiqib, ilmiy-tadqiqot ishlarini rejalashtirish va ular asosida izlanishlar olib borishni va yuqori malakali kadrlar tayyorlash maqsad qilib qo‘yilgan.

ilmiy-faol

Institut ilmiy-tadqiqot faoliyatining asosiy yo‘nalishlari sifatida quyidagilar belgilangan:

  • Xorijiy Sharq mamlakatlari tillari va tilshunosligi
  • Xorijiy Sharq mamlakatlari adabiyoti, adabiyotshunosligi
  • Adabiy manbashunoslik, matnshunoslik
  • Tarjima nazariyasi va amaliyoti
  • Mumtoz filologiya
  • Xorijiy Sharq mamlakatlari tarixi
  • Markaziy Osiyo xalqlari tarixi, tarixshunosligi va tarixiy manbashunosligi
  • Tarixiy manbashunoslik va tarixiy tadqiqot usullari
  • Sharq mamlakatlari iqtisodi, iqtisodiy aloqalar
  • Sharq mamlakatlarida kechayotgan siyosiy jarayonlar, xalqaro munosabatlar
  • Xalqaro tizimlar va jahon taraqqiyotining siyosiy muammolari

Institutda ilmiy salohiyatni oshirish borasida sohalar bo‘yicha yosh tadqiqotchilar ishini faollashtirish yuzasidan tegishli ishlar amalga oshirilmoqda. Jumaladan, institutda tashkil etilgan “Filolog olimlar kengashi”, “Iqtisodchi olimlar kengashi”, “Siyosatshunos olimlar kengashi”, “Tarixchi va faylasuf olimlar kengashi” yig‘ilishlarida institutda mavjud ilmiy yo‘nalishlar ko‘rib chiqildi, har bir kafedraning ilmiy-tadqiqot yo‘nalishlari, magistrlik, nomzodlik va doktorlik mavzulari muhokamadan o‘tkaziladi. Ta’lim, ilm-fan integratsiyasini kuchaytirish borasida qator yig‘ilishlar uyushtiriladi.

Ilmiy va ilmiy pedagogik kadrlar tayyorlash bo‘limi tomonidan tadqiqochilar va ularning ilmiy rahbarlari masu’liyatini oshirish, o‘z muddatida himoyaga chiqishlarini ta’minlash bo‘yicha uzluksiz ish olib borilmoqda. Tadqiqotchilarning ilmiy-nazariy bilimlari bazasini mustahkamlash, o‘z sohalari bo‘yicha chuqur bilimga ega bo‘lishilari uchun nazariy seminarlar muntazam tashkil etilmoqda. Mazkur seminarlarda sohalar bo‘yicha respublikamizning yetuk mutaxassislari ma’ruzalari tinglanmoqda. Shu bilan birga, tadqiqotchilarning ham ishlari yuzasidan ma’ruzalari muhokama qilib borilmoqda.

Institutda mavjud Sukuba universiteti ilmiy-tadqiqot markazi, Mahatma Gandi nomli hindshunoslik markazidan tashqari, yangi 5 ta ilmiy markaz: “Sharq tilshunosligi tadqiqotlari” ilmiy markazi, “Xorijiy mamlakatlar adabiyoti” ilmiy markazi, “Sharq mamlakatlari ijtimoiy-siyosiy jarayonlari tadqiqotlari” ilmiy markazi, “Xorijiy mamlakatlar iqtisodi” ilmiy markazi, “Markaziy Osiyo xalqlari tarixi va tarixiy geografik tadqiqotlari” tadqiqotlari markazi faoliyat yuritmoqda.

 

 

18.11.2016, 11:01 1153

    Spelling error report

    The following text will be sent to our editors: