Ishonch telefoni
+998 71 233 34 24

  • UZRUEN
  • uzbekistan flag uzbekistan emblem

Mumtoz filologiya kafedrasi

sodiqov-qosimjon  SODIQOV QOSIMJON POZILOVICH
Ilmiy darajasi va unvoni: Filologiya fanlari doktori, professor.
Lavozimi: Kafedra mudiri
Qabul vaqtlari:
Tel.: +99871 236 72 28
E-mail:

 

Kafedra tarixi

Toshkent davlat sharqshunoslik institutining Mumtoz filologiya kafedrasi o‘zbek klassik adabiyoti va adabiy tili bo‘yicha ilmiy ish olib boradigan, arab va fors tillarini yaxshi egallagan, ilkin yozma manbalar, sharq qo‘lyozmalarini o‘qib o‘rganadigan, o‘lmas obidalarimizga yo‘g‘rilgan ma’naviyat durdonalarini, kishilikning ilg‘or qarashlarini xalqimizga yetkazib bera oladigan filolog-mutaxassislarni yetishtiruvchi yirik markazdir. Kafedra 1993 yilda “Manbashunoslik, matnshunoslik va tarjima nazariyasi” nomi bilan tuzilgan edi. 1999 yilgacha o‘quv ishlari sharq filologiyasi fakulteti arab, fors filologiyasi bo‘limlarining talabalaridan tuzilgan maxsus manbashunos va matnshunos kadrlar tayyorlash guruhi shaklida olib borilgan.

2004 yili respublikada mumtoz yozma merosni o‘rganadigan, ulug‘ mutaffakkir shoirlarimizning asarlarini tadqiq etib, ularni yosh o‘g‘il-qizlarga yetkaza oladigan yetuk mutaxassislar tayyorlash to‘g‘risida hukumat qarori e’lon qilindi. Bunday mutaxassislarni tayyorlash ishi arab, fors va eski turkiy tillari chuqur o‘qitiladigan Toshkent davlat sharqshunoslik institutiga topshirildi. Shu munosabat bilan institutda bakalavrlik va magistratura bosqichlarida mumtoz filologiya bo‘limi ochildi va ushbu ta’lim yo‘nalishi hamda mutaxassisligi bo‘yicha o‘qitish ishlari ham ayni kafedraga yuklatildi.

2008 yilda kafedraning nomi “Mumtoz filologiya” deb o‘zgartirildi.

Kafedra tuzilgandan to 1996 yilga qadar unga filologiya fanlari doktori, professor Najmiddin Komilov boshchilik qildi. 1996 yildan 2008 yilning boshlariga qadar kafedrani filologiya fanlari nomzodi, dotsent Alimulla Habibullayev boshqardi. 2008 yilning may oyidan boshlab kafedraga filologiya fanlari doktori, professor Qosimjon Sodiqov mudirlik qilmoqda.

Kafedraga uch nafar katta ilmiy xodim-izlanuvchi, shuningdek, bir qancha mustaqil izlanuvchilar biriktirilgan. Ayni chog‘da ular doktorlik ishlarini yakunlash arafasida.

Kafedrada yetmish sakkiz nafar bakalavr, o‘n uch nafar magistr tahsil olmoqda.

 

Kafedraning bakalavriat ta’lim yo‘nalishi

  • 5120100 – Filologiya va tillarni o‘qitish (mumtoz tillar bo‘yicha)

Kafedraning magistratura mutaxassisliklari

  • 5A120103 – Mumtoz filologiya (turlari bo‘yicha)
  • 5A120101 – Matnshunoslik va adabiy manbashunoslik

Kafedrada o‘qitiladigan fanlar

Bakalavriat yo‘nalishi

  1. “Matnshunoslik va manbashunoslik asoslari”.
  2. “Arab tili” (boshlang‘ich, o‘rta va yuqori bosqich).
  3. “Fors tili” (boshlang‘ich, o‘rta va yuqori bosqich).
  4. “Eski turkiy til”.
  5. “Eski turkiy yozuvlar”
  6. “Mutaxassislikka kirish”.
  7. “Arab va fors mumtoz adabiyoti”.
  8. “O‘zbek mumtoz adabiyoti”.
  9. “Navoiyshunoslik”.
  10. “Yozuv tarixi va kalligrafiya”.
  11. “Arab va fors badiiy matnlarining lingvistik tahlili”.
  12. “Aruz ilmi”.
  13. “Sharq qo‘lyozmalarini o‘qish”.
  14. “Tarixiy leksikografiya”.
  15. “Til nazariyasi”.
  16. “Til va adabiyot o‘qitish metodikasi”.

 

Magistratura mutaxassisliklari

  • 5A120103 – Mumtoz filologiya (turlari bo‘yicha) mutaxassisligi bo‘yicha o‘qitilayotgan fanlar:
  1. “Mutaxassislikning nazariy masalalari”.
  2. “Sharq mumtoz adabiyotshunosligi”.
  3. “Yozma yodgorliklar tili”.
  4. “Mumtoz janrlar tizimi va uslublar tipologiyasi”.
  5. “Ilk o‘rta asrlar sharq tillarining naazariy asoslari (sanskrit, sug‘d va qadimgi xitoy tillari)”.
  6. “Mumtoz badiiy matn stilistikasi”.
  7. “Tasavvuf adabiyoti”.
  • 5A120101 – Matnshunoslik va adabiy manbashunoslik mutaxassisligi bo‘yicha o‘qitilayotgan fanlar:
  1. “Mutaxassislikning nazariy masalalari”.
  2. “Sharq matnshunosligi”.
  3. “Adabiy manbaning filologik tadqiqi”.
  4. “Yozuv tarixi va kitobat san’ati”.
  5. “Adabiy manbashunoslik va matn stilistikasi”.

Kafedraning professor-o‘qituvchilari

  1. Sodiqov Qosimjon Pozilovich – filologiya fanlari doktori, professor.
  2. G‘aniyev Suyima – filologiya fanlari nomzodi, professor.
  3. Aripov Zokir Taxirovich – filologiya fanlari nomzodi, professor.
  4. To‘xliev Boqijon – filologiya fanlari doktori, professor.
  5. Habibullayev Alimulla – filologiya fanlari nomzodi, dotsent.
  6. Rustamiy Salima Aliybeg qizi – filologiya fanlari nomzodi, dotsent.
  7. Eshmuhamedova Maryam Malikovna – filologiya fanlari nomzodi, dotsent.
  8. Isamutdinov Azizbek Batirovich – o‘qituvchi.
  9. Rahmatullayev Nodir Nuritdinovich – o‘qituvchi.
  10. Sa’dullayeva Nodira Namozovna – o‘qituvchi.
  11. Alimuhamedov Rixsitilla Abdurashidovich – o‘qituvchi.
  12. Qalandarov Mirzajon Sitmamatovich – o‘qituvchi.
  13. Turdiev Jahongir Zafariddin o‘g‘li – o‘qituvchi.

Kafedraning hamkor tashkilotlari

Toshkent davlat sharqshunoslik instituti huzuridagi Sharq qo‘lyozmalari markazi.
Alisher Navoiy nomidagi Toshkent davlat o‘zbek tili va adabiyoti universiteti.

Kafedraning xalqaro hamkorligi

Turkiyaning Istanbul universiteti adabiyot fakulteti.
Turkiyaning Erzurum shahridagi Otaturk universiteti.
Xitoyning Sinzyan Pedagogika universiteti.

Kafedra professor-o‘qituvchilari chop ettirgan kitoblar

  1. Содиқов Қ. “Қутадғу билиг”нинг уйғур ёзувли ҳирот нусхаси. Тошкент, 2010.
  2. Содиқов Қ. “Муҳокамату-л-луғатайн”ни ўқиб ўрганиш. Тошкент, 2011.
  3. Содиқов Қ., Омонов Қ. Ўзбек тилининг ёзма услублари тарихидан. – Тошкент, 2010.
  4. Содиқов Қ., Омонов Қ. Туркий ҳужжатчиликнинг тарихий илдизлари. Тошкент, 2012.
  5. Эшмуҳамедова М. Аҳмад Яссавий ҳикматлари киритилган қўлёзмалар каталоги. Тошкент, 2010.
  6. Навоийшунос Суйима Ғаниев. – Тошкент, 2012.
  7. Ҳасаний М., Ҳабибуллаев А. Манбашунослик ва матншуносликнинг назарий масалалари. –Тошкент, 2012.
  8. Эски туркий асарларни қўлёзмалардан ўқиб-ўрганиш. Тузувчи: Р. Алимуҳамедов. Тошкент, 2013.

Kafedraning ilmiy yo‘nalishlari

  • Turkiy yozma adabiy tilining yuzaga kelishi va tarixiy taraqqiyoti masalalari.
  • Turkiy yozma yodgorliklar tili. Matnlarning lingvistik tahlili va ularni hozirgi tilga o‘girish masalasi.
  • O‘zbek klassik adabiyoti tadqiqi.
  • O‘zbek adabiyotshunosligi tarixi, uning yuzaga kelishi va tarixiy takomili masalalari. O‘zbek adabiyotshunosligi tarixida yaratilgan ilmiy asarlar.
  • Yozma yodgorliklarni hozirgi tilga o‘girish va ularni talqin qilishning tugun va yechimlari.
  • Adabiy manbashunoslik va matnshunoslik.
  • Sharq qo‘lyozmalari va ularni o‘rganish masalalari.
  • O‘tmishdan qolgan asarlarning ilmiy, ilmiy-tanqidiy, yig‘ma matnlarini tuzish masalalari.
  • Yozuv tarixi va kitobat san’ati. Qadimgi turkiy yozuvlar va ularning Markaziy Osiyo xalqlari yozuv madaniyati tarixida turgan o‘rni.
  • O‘rta Osiyoda yaratilgan arab va fors tillaridagi yozma merosni tadqiq etish va o‘zbek tiliga o‘girish masalalari.

Kafedraning ilmiy loyihalari

  1. Kafedrada F-1-136 “Ilk va o‘rta asrlarda yaratilgan turkiy hujjatlarning o‘zbek davlatchiligi tarixidagi o‘rni (diplomatika, sfragistika, poleografiya va matn interpretatsiyasi masalalari)” ilmiy loyiha doirasida tadqiqot ishlari olib borilmoqda.

Fotolavhalar

qosi9mjon

qosimjon

qosimjon1

 

24.11.2016, 15:41 1022

    Spelling error report

    The following text will be sent to our editors: