Ishonch telefoni / Call center
+998 71 233 34 24 / +998 95 198 56 88

  • UZRUEN
  • uzbekistan flag uzbekistan emblem

ToshDSHIning Sharq filologiyasi fakulteti Tarjimashunoslik kafedrasi o‘tkazgan xayriya tadbiri

10.12.2019, 16:59 Yangiliklar 24

10-dekabr kuni ToshDSHIning Sharq filologiyasi fakulteti Tarjimashunoslik kafedrasi o‘qituvchilari “3 dekabr ­– Xalqaro nogironlar kuni” munosabati bilan Toshkent shahar, Mirobod tumanida joylashgan 57-sonli maxsus bolalar uchun ixtisoslashgan mehnat ta’lim maktabiga tashrif buyurdilar.

Dunyoda taxminan 1 milliard nogiron istiqomat qiladi va ularning barchasi jamiyat hayotidagi keng ko‘lamli, samarali va teng huquqli ishtirokini cheklaydigan, jismoniy, ijtimoiy-iqtisodiy va axloqiy to‘siqlarga duch keladi. BMT ma’lumotlariga ko‘ra, ular dunyodagi eng kambag‘al aholining haddan ortiq ko‘p ulushini tashkil qilib, ta’lim, mexnat, sog‘liqni saqlash hamda ijtimoiy va huquqiy ko‘mak kabi asosiy manbalardan teng ravishda foydalana olmaydi. Shu sababdan 3-dekabr kuni Xalqaro nogironlar kunining o‘tkazilishi nogironlarning muammolariga, xususan, ularning siyosiy, iqtisodiy, madaniy va ijtimoiy hayotdagi ishtirokidan yuzaga keladigan afzallikka jamoatchilik e’tiborini jalb qilish, nogironlar qadri, huquqlari va farovonligini himoya qilishga qaratilgan.

Aytish joizki, 1982 yilda BMT Bosh Assambleyasi tomonidan qabul qilingan nogironlarga nisbatan Butunjahon chora-tadbirlar dasturida inson huquqiga to‘liq va teng rioya qilish va nogironlarning jamiyat hayotidagi ishtiroki kabi maqsadlar ilgari surilgan. Har yili mazkur sana doirasidagi tadbirlar ma’lum shior ostida o‘tkaziladi.

Bu kungi xayriya tadbirida Tarjimashunoslik kafedrasi o‘qituvchilari B.Mamarajabov va Sh.Xasanovalar hamda kafedra talabalari ishtirok etdilar. Bolalarga kafedra professor-o‘qituvchilari va talabalari, shuningdek, institut rahbariyati nomidan Tabrik so‘zi yo‘llandi va bolalarga esdalik sovg‘alari tarqatildi. Tadbir ko‘tarinki ruhda yakunlandi.

6 5 4 3 2

    Spelling error report

    The following text will be sent to our editors: