Ishonch telefoni / Call center
+998 71 233 34 24 / +998 95 198 56 88

  • UZRUEN
  • uzbekistan flag uzbekistan emblem

“Xorijiy mamlakatlar iqtisodiyoti” kafedrasi tomonidan o‘tkazilgan “Yoshlar va ilm-fan” an’anaviy ilmiy-amaliy anjumani

09.04.2019, 16:19 Yangiliklar 327

O‘zbekiston Respublikasi Prezidenti tashabbusi bilan ishlab chiqilgan “2017-2021-yillarda O‘zbekiston Respublikasini rivojlantirishning beshta ustuvor yo‘nalishlari bo‘yicha Harakatlar strategiyasi”da “jismonan sog‘lom, ruhan va aqlan rivojlangan, mustaqil fikrlaydigan, Vatanga sodiq, qat’iy hayotiy nuqtai nazarga ega yoshlarni tarbiyalash, demokratik islohotlarni chuqurlashtirish va fuqarolik jamiyatini rivojlantirish jarayonida ularning ijtimoiy faolligini oshirish” masalalariga alohida e’tibor qaratilgan.

Ushbu maqsadga erishishda ta’lim xizmatlari imkoniyatlarini oshirish, ilmiy-tadqiqot va innovatsiya faoliyatini rag‘batlantirish, yosh avlodning ijodiy va intellektual salohiyatini qo‘llab-quvvatlash va ro‘yobga chiqarish muhim o‘rin tutadi. Shu nuqtai nazardan, Toshkent davlat sharqshunoslik instituti Xorijiy mamlakatlar iqtisodiyoti va siyosati fakultetida bir necha yillardan buyon an’anaviy tarzda o‘tkazib kelinayotgan “Yoshlar va ilm-fan” ruknidagi mustaqil tadqiqotchi, magistrant va bakalavrlarning ilmiy-amaliy konferensiyasi yoshlarga o‘zaro fikr va tajriba almashish, ilmiy tadqiqotlar natijalarini sinovdan o‘tkazish va nashr etish imkoniyatini yaratib bermoqda.

2019-yil 5-aprel kuni “Xorijiy mamlakatlar iqtisodiyoti” kafedrasi tomonidan katta ilmiy xodim-izlanuvchi, mustaqil tadqiqotchi, magistrant va bakalavrlarning “Yoshlar va ilm-fan” ruknidagi  an’anaviy ilmiy-amaliy anjumani o‘tkazildi.

Ilmiy-amaliy konferensiyasida ishtirok etish maqsadida yosh tadqiqotchilar o‘zlarining ilmiy-tadqiqot yo‘nalishlari mavzulari bo‘yicha 60 dan ortiq ilmiy maqolalarini yubordi, tahrir hay’ati (i.f.n. Ch.Q. Xusanov, i.f.n. Ermamatov Sh.J., i.f.d. prof. Rasulov T.S., katta o‘qituvchi Sattikulova G.A., o‘qituvchilar Iskandarov Sh.O., Shovdirov T.N.) tomonidan shularning 50 tasi qabul qilindi.

Konferensiyaning yalpi majlisida M.D. Raimboyevaning “Role of foreign investment in economy of CIS countries”, R.A. Musayeva “Turkey’s  experience  in  the  development  of  tourism  business”, X. Abdullayevaning “Koreya iqtisodiyotining innovasion rivojlanish xususiyatlari” ilmiy maqolalari muhokama etildi. Shundan so‘ng anjuman shu’balarda o‘z faoliyatini davom ettirdi.

Konferensiya materiallari asosida nashr etilgan to‘plamda Sharq mamlakatlari ijtimoiy-iqtisodiy rivojlanishining o‘ziga xos xususiyatlari, rivojlanish tendensiyalari va yo‘nalishlari, Sharq mamlakatlari adabiyoti, siyosati va tarixiga oid eng dolzarb masalalar yoritildi.

“Yoshlar va ilm-fan” ruknidagi an’anaviy ilmiy-amaliy anjumani yakunida eng yaxshi maqolalar mualliflariga maxsus sertifikatlar va esdalik sovg‘alari topshirildi.

 

photo_2019-04-09_16-12-06 photo_2019-04-09_16-12-05 photo_2019-04-09_16-12-04 photo_2019-04-09_16-12-04 (2) photo_2019-04-09_16-12-02

“Xorijiy mamlakatlar iqtisodiyoti”

    Spelling error report

    The following text will be sent to our editors: