Ishonch telefoni
+998 71 233 34 24

  • UZRUEN
  • uzbekistan flag uzbekistan emblem

Sharq mamlakatlar tarixi va hozirgi zamon muammolari kafedrasi

 ulugbek ABDULLAYEV ULUG‘BEK ARTIQBAYEVICH
Ilmiy darajasi va unvoni: Tarix fanlari nomzodi
Lavozimi: Kafedra mudiri
Qabul vaqtlari: Chorshanba (10:00-12:00)
Tel.: +99893 5067205
E-mail: xorijiysharq@mail.ru

Kafedra tarixi

Xorijiy mamlakatlar tarixi kafedrasi Toshkent davlat sharqshunoslik institutining Jahon siyosati, tarix va falsafa fakulteti tarkibiga kiradi. Kafedrada “Ta’lim to‘g‘risida”gi qonun va “Kadrlar tayyorlash milliy dasturi” g‘oyalari asosida mutaxassis kadrlar tayyorlashning yangi tizimlarini joriy etish, kadrlar malakasini dunyo standartlari darajasiga yetkazish, xalqaro ilmiy hamjamiyat bilan muntazam o‘quv va ilmiy muloqot o‘rnatish hamda tajriba almashish, xususan, dunyo mamlakatlari tarixi, madaniyati, siyosati sohasidagi ilmiy tadqiqotlarni kengaytirish va chuqurlashtirish borasida faoliyat olib boriladi. Kafedraning mumtoz qadriyatlarini saqlash, an’analarini davom ettirish, shu bilan birga, o‘quv va ilmiy tadqiqot jarayonini rivojlanayotgan zamonaviy ilm-fan texnologiyalari bilan mujassamlashtirgan holda olib borishga alohida e’tibor qaratiladi.

Kafedra talabalarga tanlangan mutaxassisliklar bo‘yicha Sharq va G‘arb mamlakatlarining tarixi, ijtimoiy-siyosiy tizimi, davlat tuzumi, dini, tarixiy geografiyasi, tarixiy manbashunosligidan mukammal bilim berish maqsadida tashkil etilgan. Xorijiy mamlakatlar tarixi kafedrasi dastlab 1946 yilda Sharq mamlakatlari tarixi nomi bilan tashkil etilgan. O‘tgan davr mobaynida ushbu kafedraga yuridik fanlar nomzodi, dotsent L.Maqsudov, tarix fanlari doktori, professor A.Sokolov, tarix fanlari doktori, professor T.Sattarov, tarix fanlari doktori, professor T.G‘iyosov, tarix fanlari nomzodi, dotsent M.Xojiyev, tarix fanlari nomzodi, dotsent Yu.Ismailova kabi tarixchi olimlar rahbarlik qilgan. Kafedra faoliyati davomida ko‘plab respublikamizda va xorijda taniqli sharqshunos-olimlar, ilm va fan arboblari yetishib chiqdi. Xususan, akademiklar – N.Baratov, B.Ahmedov, A.Muhammadjonov, professorlar – T.G‘iyosov, M.Boboxo‘jaev, M.Nishonov, M.Kutina, A.Xo‘jaev, T.Sattarov, A.Hasanov, S.Inog‘omov, Z.Munavvarov, R.Qodirov, R.Qosimov shular jumlasidan.

Hozirda kafedrada 2 nafar fan doktori hamda 5 nafar fan nomzodi, 9 nafar katta o‘qituvchi va o‘qituvchilar faoliyat ko‘rsatmoqda. Ularning o‘rtacha ilmiy-pedagogik ish staji 13 yilni tashkil etadi.

Kafedrada ilmiy tadqiqot ishlari ikki yo‘nalishda: Osiyo va Afrika hamda Yevropa va Amerika mamlakatlari ijtimoiy-iqtisodiy va siyosiy rivojlanishi tarixi yo‘nalishlarida olib boriladi. Ushbu ilmiy tadqiqotlarning natijalari monografiyalar, ilmiy risolalar, darslik va o‘quv qo‘llanmalar tarzida chop etilib, tarixchi-mutaxassislar, talabalar e’tiboriga havola qilinmoqda.

Kafedraning o‘qituvchilari va izlanuvchilari doktorlik dissertatsiyalarini tayyorlash yo‘lida faol ilmiy tadqiqot ishlari olib bormoqda hamda ilmiy izlanuvchilik faoliyati doirasida doktorlik dissertatsiyalarini tayyorlamoqdalar.

 Kafedra bakalavriat ta’lim yo‘nalishi:

Kafedrada bakalavrlik bosqichida “Tarix (xorijiy mamlakatlar tarixi; Sharq mamlakatlari va mintaqalari bo‘yicha)” ta’lim yo‘nalishlari hamda  magistraturada “Tarix (yo‘nalishlar va mamlakatlar bo‘yicha)” mutaxassisligi bo‘yicha sharqshunos-tarixchilar tayyorlanadi.

O‘quv jarayoni bakalavriat bosqichida 19 haftani va magistraturada 20 haftani tashkil etadi. 2014-2015 o‘quv yilidan Xorijiy mamlakatlar tarixi kafedrasining 1-kurs  talabalari 5120300 – Tarix (Sharq mamlakatlari va mintaqalari bo‘yicha) mutaxassislik yo‘nalishida, 2-4-kurs talablari 5120300 – Tarix (Xorijiy mamlakatlar tarixi) mutaxassisligi bo‘yicha o‘qitiladi.

Bakalavriat talabalariga gumanitar va ijtimoiy-iqtisodiy fanlar, matematika va tabiiy-ilmiy fanlar bloki bilan bir qatorda umumkasbiy (umumiy tarix, arxeologiya asoslari, o‘rganilayotgan mamlakat tarixi, ijtimoiy-siyosiy ta’limotlari tarixi, adabiyoti tarixi, madaniyati tarixi, etnografiyasi, etnogenez va etnik tarixi, tarixiy geografiyasi kabi) va ixtisoslik (o‘rganilayotgan mamlakat manbashunosligi va tarixnavisligi, davlatchiligi tarixi, urbanistik jarayonlar kabi) fanlari o‘qitiladi.

Kafedra magistratura mutaxassisligi:

5A120302 – Tarix (yo‘nalishlar va mamlakatlar bo‘yicha) mutaxassislikda magistr akademik darajaga ega kadrlar tayyorlanadi. Kafedrada Sharq va G‘arb tillarini biladigan tarixchi-mutaxassislarni tayyorlashga alohida e’tibor qaratilgani bois talabalarga Sharq hamda Yevropa va Amerika mamlakatlari tarixi mukammal o‘rgatiladi. Magistratura o‘quv jarayoni ilmiy tadqiqot-ishlari bilan uzviy bog‘langan holda Magistratura to‘g‘risidagi yangi nizom asosida tashkil etilgan. Magistr akademik darajsini olish uchun dissertatsiya himoya qiluvchi magistrantning kamida 2 ta ilmiy maqolasi chop etilishi belgilangan. ToshDShIda magistrantlarning ilmiy maqolalari muntazam nashr etiladigan “Sharqshunoslar anjumani”, “Kamolot sari”, “Sharqshunos magistrantlar” kabi ilmiy to‘plamlar mavjud. Shuningdek, Institutda tashkil etilayotgan respublika va vazirlik miqyosidagi ilmiy konferensiyalar to‘plamlarida Xorijiy mamlakatlar tarixi kafedrasi magistrantlari faol ishtirok etmoqda.

Magistratura talabalariga esa umummetodologik fanlar bilan birga mutaxassislik fanlari (o‘rganilayotgan mintaqa mamlakatlari taraqqiyotining xususiyatlari, tarixiy tadqiqotlarning zamonaviy usullari va ularning tahlili, mutaxassislikning nazariy masalalari) o‘qitiladi.

Kafedrada o‘qitiladigan fanlar:

Bakalavriat yo‘nalishi :

  • Jahon tarixi
  • Mamlakatshunoslik
  • O‘rganilayotgan mamlakat tarixi
  • Arxeologiya
  • Tarixshunoslik va manbashunoslik
  • Tarixiy tadqiqot asoslari
  • Sharq mamlakatlari etnografiyasi, etnogenez va etnik tarixi
  • O‘rganilayotgan mintaqa tarixi manbashunosligi va tarixshunosligi
  • Sharq mamlakatlari madaniyati tarixi

Magistratura mutaxassisligi:

  • O’qitiladigan fanlar ro’yxati
  • Hozirgi Sharq mamlakatlari taraqqiyoti xususiyatlari
  • Ilmiy ish yaratish yo‘llari
  • Sharq mamlakatlari ijtimoiy-siyosiy va madaniy hayotida din omili
  • Mutaxassislikning nazariy masalalari
  • Sharq xalqlari ijtimoiy antropologiyasi
  • Tarixiy tadqiqotlarning metodologiyasi va zamonaviy usullari

Kafedraning hamkor tashkilotlari

  1. Abu Rayhon Beruniy nomidagi Sharq qo‘lyozmalari markazi
  2. O‘zFA Tarix instituti
  3. O‘zbekiston Milliy Universiteti
  4. O‘zRFA Temuriylar davlat tarixi muzeyi
  5. Toshkent davlat sharqshunoslik instituti qoshidagi Sharq tillari litseyi

Toshkent shahar Sergeli tumani 325-sonli o‘rta maktab

Kafedra hayotidan fotolavhalar

tarix

tarix1

26.09.2018, 18:27 2385

    Spelling error report

    The following text will be sent to our editors: