Ishonch telefoni
+998 71 233 34 24

  • UZRUEN
  • uzbekistan flag uzbekistan emblem

Yosh olimlar uyushmasi

Toshkent davlat sharqshunoslik instituti

“Yosh olimlar kengashi”  qoshidagi katta ilmiy xodim izlanuvchilar va mustaqil izlanuvchilar ilmiy-nazariy seminari

NIZOMI

1. Umumiy ma’lumotlar

    1. Toshkent davlat sharqshunoslik instituti Yosh olimlar kengashi yosh olimlar, tadqiqotchilar tomonidan olib borilayotgan ilmiy ishni tashkillashtiruvchi va yo‘naltiruvchi organ bo‘lib hisoblanadi.
    2. Kengash qoshidagi ilmiy-nazariy seminar faoliyati O‘zbekiston Respublikasi ilmiy faoliyatni tashkil etishga oid farmoyish hujjatlari, Institut Ustavi va mazkur nizomga asoslanadi.

2. Maqsad, vazifalar va funksiyalar

  • Kengash maqsadi institut yosh olimlari va tadqiqotchilarini ilmiy ishga yo‘naltirish hamda ularni ilmiy, kasbiy darajalarini ko‘tarishga ko‘maklashish, ijodiy xususiyatlarini yanada ochishga qaratilgan.
  • Ilmiy-nazariy seminar vazifalari quyidagilardan iborat:

– katta ilmiy xodim izlanuvchilar va mustaqil izlanuvchilar tomonidan institutning ustuvor ilmiy yo‘nalishlarida kelib chiqqan holda olib borayotgan tadqiqotlarni muhokama etib borish uchun tegishli sohalar bo‘yicha yetakchi olimlarni seminar ishiga jalb etish va muhokamalar uyushtirish;

  • institutning turli yo‘nalishlardagi yosh olimlarni va tadqiqotchilarni faoliyatini muvofiqlashtirish, ularga fundamental va amaliy tadqiqotlarni amalga oshirishda ko‘maklashish;

– institutning yosh olimlari va tadqiqotchilari tomonidan olib borilayotgan ilmiy ishlar bo‘yicha konkurs, seminarlar uyushtirish va o‘tkazish;

– har yili yosh olimlar va tadqiqotchilarning ilmiy ishlari bo‘yicha o‘tkaziladigan tanlovlarga ilmiy  maqolalarni tavsiya qiladi;

– yoshlarning ilmiy-tadqiqot ishlarini olib borishga ko‘maklashadi;

– har oyda ikki marta yosh olim, tadqiqotchilarning olib borayotgan ilmiy ishi bo‘yicha hisobotini tinglaydi, olimlar ishtirokida tadqiqot ishi bo‘yicha ma’ruzalar muhokama qilinadi.

 3. Ilmiy-nazariy seminar ish jarayonini tashkillashtirish

3.1. Seminarda institutning 40 yoshgacha bo‘lgan yosh olimlari hamda katta ilmiy xodim izlanuvchilari va mustaqil izlanuvchilari ishtirok etadilar.

3.2.  Seminar raisi  Yosh olimlar uyushmasi  qarori asosida ochiq ovoz berish yo‘li bilan saylanadi.

3.3. Seminar ish jarayonining bir yilga tasdiqlangan ish rejasi, yig‘ilishlar kun tartibi seminar raisi tomonidan tayyorlanadi va ilmiy ishlar prorektori tomonidan tasdiqlanadi.

3.4. Yig‘ilishlarni ilmiy ishlar prorektori tomonidan tasdiqlangan seminar raisi olib boradi.

3.5. Seminar yig‘ilishlari kamida bir oyda ikki marta o‘tkaziladi.

3.4. Seminar raisi ish faoliyatini mazkur Nizom, TDSHI rektori buyruqlari, kengash rejalari asosida olib boradi.

4. Ilmiy-nazariy seminar huquqlari

Seminar unga yuklatilgan vazifalarni amalga oshirish uchun quyidagi huquqlarga ega:

4.1. Yosh olimlar,  katta ilmiy xodim izlanuvchilari va mustaqil izlanuvchilari faoliyati bilan bevosita bog‘liq bo‘lgan savol va takliflarni kiritish;

4.2. Katta ilmiy xodim izlanuvchilari va mustaqil izlanuvchilari faoliyati bilan bog‘liq va zarur bo‘lgan informasion ma’lumotlarni olish va tarqatish;

4.3. Yosh olim va tadqiqotchilar tomonidan ilmiy-tadqiqot ishlari natijasida qo‘lga kiritilgan yutuq uchun taqdirlash takliflarini kiritish.

5. Nizomga o‘zgartirish va to‘ldirishlarni kiritish

5.1. Mazkur nizom, shuningdek, unga kiritiladigan o‘zgartishish va to‘ldirishlar TDSHI Kengashi xulosasi asosida TDSHI rektori tomonidan tasdiqlanadi.

 

08.02.2017, 20:15 885

    Spelling error report

    The following text will be sent to our editors: